Iż-żmien għadda u jum fost l-oħrajn, Malinja marret sal-belt tagħmel ix-xirjiet tagħha. Daħlet fil-ħanut tal-merċa u xtrat xkora dqiq. Waqfet is-suq biex tixtri kannestru ħaxix, faxx basal, xkora patara, għanqud għeneb u kartuna bajd.
F'daqqa waħda ġie riġment suldati tar-re u mlew
il-pjazza kollha. Wieħed minnhom daqq it-trumbetta biex in-nies kollha jisimgħu
sew dak li kellu x'jgħidilhom. Il-ġeneral tas-suldati fetaħ skroll b'ittra li r-re kien bagħat
lill-poplu tiegħu. Hu qrahielhom:
Kif tistgħu timmaġinaw, ma tantx ħadet gost Malinja b’din
l-aħbar. Bdiet tbiddel il-kuluri u kienet se tisplodi bir-rabja.
